தந்தை பெரியாரின் பிறந்த நாளை முன்னிட்டு திருச்சி மத்திய பேருந்து நிலையம் அருகே உள்ள பெரியார் சிலைக்கு தேமுதிக சார்பாக விஜய பிரபாகரன் தலைமையில் மாலை அணிவித்து மரியாதை செலுத்தப்பட்டது.
தொடர்ந்து விஜய பிரபாகரன் செய்தியாளர்களிடம் பேசுகையில்…
- Advertisement -
தேமுதிக, அதிமுக கூட்டணியில் உள்ளோம். 2026 தேர்தலில் எங்கள் கூட்டணி தொடரும். விசிகவின் மது ஒழிப்பு மாநாட்டிற்கு தேமுதிக சார்பாக வாழ்த்துக்கள் தெரிவித்து கொள்கிறோம். நாங்கள் அவர்களிடம் கூட்டணியில் இல்லை. முதலில் திமுக, காங்கிரஸ், கம்யூனிஸ்ட் போன்ற கூட்டணி கட்சிகளுக்கு அழைப்பு விடுக்கட்டும். தேமுதிக விற்கு அழைப்பு வரவில்லை வந்த பின்பு அதை பற்றி கூறுகிறோம். திமுக கூட்டணியில் மற்றம் வருமா என்பதை
வரும் காலத்தில் தான் சொல்லமுடியும்.
GST கூட்டத்தில் அன்னபூர்ணா நிறுவனர் எழுப்பிய கேள்வி சர்ச்சை எழுப்பியது தொடர்ந்து அவர் நிதி அமைச்சரிடம் மன்னிப்பு கேட்ட வீடியோ வைரல் ஆனது இது குறித்த கேள்விக்கு?
அவர் எதார்த்தமாகவும் உரிமையாகவும் தான் கேள்வி எழுப்பி இருந்தார். அவர் கூறியது உண்மை தான். மேலும் இவராக சென்று மன்னிப்பு கேட்டாரா அல்லது நிர்மலா சீதாராமன் அழைத்து மன்னிப்பு கேட்க வைத்தாரா என யாருக்கும் தெரியாது. எனவே இது குறித்து சீனிவாசன் கூறினால் தான் சரியாக இருக்கும் என தெரிவித்தார்.
இந்த மாநாடு மூலமாக மது ஒழிக்க முடியுமா என்ற கேள்விக்கு?
மது ஒழிப்பு அரசாங்கத்தின் கடமை. விசிக விழிப்புணர்வை தொடங்கி உள்ளனர். கடந்த காலங்களில் தேமுதிக பாமக உள்ளிட்டவை மது ஒழிக்க வேண்டும் என கோரிக்கை வைத்து உள்ளோம். இந்நிலையில் திருமாவளவன் தொடங்கி உள்ளார் மதுவை ஒழிக்க முடியுமா முடியாத என வருங்காலத்தில் தெரியவரும் என்றார்.
- Advertisement -
Comments are closed.