சங்கராபுரத்தில் ஆதித்யா டிவி தீபாவளி பட்டிமன்றம், வாகை தமிழ்த்தாய் அறக்கட்டளை நிறுவனர் பிரபுராஜுக்கு ‘மனிதநேய மறுவாழ்வு செம்மல் விருது’ வழங்கி கௌரவிப்பு!

By Cholan News On Nov 4, 2026

சங்கராபுரம்:

கள்ளக்குறிச்சி மாவட்டம் சங்கராபுரத்தில் ஆதித்யா தொலைக்காட்சியின் தீபாவளி சிறப்பு பட்டிமன்ற நிகழ்ச்சி வெகுவிமரிசையாக நடைபெற்றது. இந்நிகழ்ச்சியில், வாகை தமிழ்த்தாய் அறக்கட்டளையின் நிறுவனத் தலைவர் பிரபுராஜ் அவர்களுக்கு உயரிய ‘மனிதநேய மறுவாழ்வு செம்மல் விருது’ வழங்கி கௌரவிக்கப்பட்டது.

- Advertisement -

வாகை தமிழ்த்தாய் அறக்கட்டளையின் மூலம் ஏழை, எளிய மற்றும் நலிவடைந்த மக்களுக்கு கல்வி உதவித்தொகை, மருத்துவ உதவிகள், ஆதரவற்றோருக்கான நலத்திட்டங்கள் எனப் பல்வேறு தொடர் சமூகப் பணிகளைத் திறம்பட முன்னெடுத்து வருகிறார் நிறுவனத் தலைவர் பிரபுராஜ். சமூகத்தில் பின்தங்கிய மக்களின் வாழ்வாதாரத்தை உயர்த்தும் அவரது அர்ப்பணிப்புமிக்க சேவையைப் பாராட்டி இந்த விருது வழங்கப்பட்டது.

சமூகப் பணிகளை அங்கீகரித்து அவருக்கு விருது வழங்கி சிறப்பித்த ஆதித்யா தொலைக்காட்சி நிர்வாகத்திற்குப் பல்வேறு தரப்பிலிருந்தும் பாராட்டுகள் குவிந்து வருகின்றன. மேலும், ‘மனிதநேய மறுவாழ்வு செம்மல் விருது’ வென்றுள்ள பிரபுராஜ் அவர்களுக்கு சமூக ஆர்வலர்கள், பொதுமக்கள், நண்பர்கள் மற்றும் உறவினர்கள் தங்கள் மனமார்ந்த வாழ்த்துகளையும் பாராட்டுகளையும் தெரிவித்து வருகின்றனர்.

#Sankarapuram #AdithyaTV #VaagaiTamizhtThaai #Praburaj #SocialService #HumanitarianAward #TamilNews #DeepavaliSpecial #SocialWorker #Kallakurichi