திருச்சியில் விதிமீறி செயல்படும் FL2 மதுபான கடைகளை மூடக்கோரி ஆர்ப்பாட்டம்: அகில இந்திய மக்கள் மறுமலர்ச்சி கழகம் அதிரடி!

By Cholan News On Jul 13, 2026

- Advertisement -

திருச்சி, ஜூலை 13:

திருச்சியில் சட்ட விதிகளுக்குப் புறம்பாக இயங்கி வரும் தனியார் FL2 மதுபானக் கடைகளை உடனடியாக மூட வலியுறுத்தி, மாவட்ட ஆட்சியர் அலுவலகம் முன்பாக அகில இந்திய மக்கள் மறுமலர்ச்சி கழகத்தின் சார்பில் பிரம்மாண்ட கோரிக்கை ஆர்ப்பாட்டம் நடைபெற்றது.

இந்த கண்டன ஆர்ப்பாட்டத்திற்கு அகில இந்திய மக்கள் மறுமலர்ச்சி கழக நிறுவனத் தலைவர் வழக்கறிஞர் பொன். முருகேசன் தலைமை தாங்கினார்.

முக்கிய கோரிக்கைகள்:

ஆர்ப்பாட்டத்தின் போது கழக நிர்வாகிகள் மற்றும் தொண்டர்கள் தங்களது கோரிக்கைகளை வலியுறுத்தி அரசுக்கு எதிராக கண்டன கோஷங்களை எழுப்பினர். அவர்களின் முக்கிய கோரிக்கைகள் பின்வருமாறு:

FL2 மதுபான கடை உரிமைகளை ரத்து செய்க: அரசு நிர்ணயித்துள்ள விதிமுறைகளை மீறி, போதிய கார் மற்றும் இருசக்கர வாகன நிறுத்தங்கள் (Parking) இல்லாமல் இயங்கும் தனியார் FL2 மதுபானக் கூடங்களை மூட வேண்டும். கிளப் உறுப்பினர்கள் அல்லாத வெளி நபர்களுக்கும் சட்டவிரோதமாக மது விற்பனை செய்து மோசடியில் ஈடுபடும் கடைகளின் உரிமைகளை உடனடியாக ரத்து செய்ய வேண்டும்.

சிறுமி பாலியல் வன்கொடுமைக்கு தூக்கு தண்டனை: தமிழகத்தில் சிறுமிகளை பாலியல் வன்கொடுமை செய்து படுகொலை செய்த கொடூர குற்றவாளிகளுக்கு விரைவாக தூக்கு தண்டனை பெற்றுத்தர தமிழக அரசு துரித நடவடிக்கை எடுக்க வேண்டும்.

சாதி வெறியர்கள் மீது இரும்புக்கரம்: தமிழகம் முழுவதும் பட்டியல் சமூக மக்கள் மீது கொலைவெறி தாக்குதல் நடத்தியும், படுகொலை செய்தும் அச்சுறுத்தி வரும் சாதி வெறியர்களையும், ரவுடிகளையும் காவல்துறை இரும்புக்கரம் கொண்டு அடக்க வேண்டும்.

பங்கேற்ற முக்கிய நிர்வாகிகள்:

இந்த ஆர்ப்பாட்டத்திற்கு மாநகர் மாவட்ட தலைவர் பி. குமார், புறநகர் மாவட்ட செயலாளர் கொடுந்துறை செல்வம், மற்றும் புறநகர் மாவட்ட தலைவர் சிட்டிலரை மாரிமுத்து ஆகியோர் முன்னிலை வகித்தனர்.

மேலும், பசும்பொன் மக்கள் முன்னேற்றக் கழக தலைவர் அல்லூர் சீனிவாசன் மற்றும் தலித் இயக்கங்களின் கூட்டமைப்பு ஒருங்கிணைப்பாளர் மெலட்டூர் கார்த்திக் ஆகியோர் கலந்து கொண்டு கண்டன உரை நிகழ்த்தினர். இந்த ஆர்ப்பாட்டத்தில் திரளான பொதுமக்களும், கட்சி நிர்வாகிகளும் கலந்து கொண்டு தங்களது எதிர்ப்பை பதிவு செய்தனர்.

#Trichy #Protest #FL2Bar #SocialJustice #LawAndOrder #TamilNaduNews #TrichyNews #MakkalMarumalarchiKazhagam