- Advertisement -
உலக போதைப்பொருள் ஒழிப்பு தினம் திருச்சியில் பிரம்மாண்ட இருசக்கர வாகன விழிப்புணர்வு பேரணி!
திருச்சி:
உலக போதைப்பொருள் ஒழிப்பு தினத்தை (ஜூன் 26) முன்னிட்டு, திருச்சி மாநகர காவல் துறை பாலக்கரை காவல் நிலையம் மற்றும் ஆத்மா மனநல மருத்துவமனை ஆகியவை இணைந்து நடத்திய பிரம்மாண்ட இருசக்கர வாகன விழிப்புணர்வு பேரணி வெற்றிகரமாக நடைபெற்றது.
திருச்சி பாலக்கரை காவல் நிலைய வளாகத்தில் இப்பேரணி முறைப்படி கொடியசைத்து தொடங்கி வைக்கப்பட்டது. அங்கிருந்து புறப்பட்ட இருசக்கர வாகனப் பேரணி, மேலப்புத்தூர் வழியாகச் சென்று பெல் சி கிரௌண்ட் (Bell C Ground) மைதானத்தை வந்தடைந்தது.
முக்கியப் பிரமுகர்கள் பங்கேற்பு
முன்னிலை: ஆத்மா மனநல மருத்துவமனையின் தலைமை மனநல மருத்துவர் டாக்டர் K. ராமகிருஷ்ணன் அவர்கள் இந்நிகழ்ச்சிக்கு முன்னிலை வகித்தார்.
பாலக்கரை காவல் நிலைய ஆய்வாளர் திரு. எம். சிவசுப்பிரமணியன் அவர்கள் சிறப்புரையாற்றி, கொடியசைத்து பேரணியைத் துவக்கி வைத்தார்.
பொதுமக்களிடையே விழிப்புணர்வு
பேரணியில் பங்கேற்றவர்கள் போதைப்பொருட்களுக்கு எதிரான விழிப்புணர்வு கோஷங்களை எழுப்பியவாறு நகரின் முக்கியச் சாலைகள் வழியாகச் சென்றனர். மேலும், பொதுமக்களிடையே போதைப்பழக்கத்தின் தீமைகள் மற்றும் அது ஏற்படுத்தும் சமூகப் பாதிப்புகள் குறித்த விழிப்புணர்வை ஏற்படுத்தும் வகையில், வழிநெடுகிலும் விழிப்புணர்வு துண்டுப் பிரசுரங்கள் (Pamphlets) விநியோகம் செய்யப்பட்டன.
பொதுமக்களிடையே பெரும் வரவேற்பைப் பெற்ற இப்பேரணிக்கான அனைத்து சிறப்பான ஏற்பாடுகளையும் ஆத்மா மனநல மருத்துவமனையின் சமூக மனநல ஆலோசகர் திரு. J. கரண் லூயிஸ் செய்திருந்தார்.
#Trichy #SayNoToDrugs #DrugAwareness #TrichyPolice #AthmaHospital #WorldDrugDay #AntiDrugRally #TrichyNews #SocialAwareness #HealthyTrichy
- Advertisement -
Comments are closed.