திருச்சிக்கு நாளை வருகிறார் தமிழக முதல்வர் விஜய்! நன்றி அறிவிப்பு கூட்டத்திற்கான ஏற்பாடுகள் தீவிரம்!

திருச்சிக்கு நாளை வருகிறார் தமிழக முதல்வர் விஜய்! நன்றி அறிவிப்பு கூட்டத்திற்கான ஏற்பாடுகள் தீவிரம்!

​திருச்சி:

தமிழகத்தில் தமிழக வெற்றி கழகம் ஆட்சி அமைத்து, புதிய முதல்வராகப் பொறுப்பேற்ற பிறகு, நடிகர் மற்றும் தமிழக முதல்வர் விஜய் நாளை (திங்கள்கிழமை) முதன்முறையாக திருச்சிக்கு வருகை தரவுள்ளார். இதனால் திருச்சி மாநகரமே தற்போதே விழாக்கோலம் பூண்டுள்ளதுடன், பாதுகாப்பு மற்றும் விழா ஏற்பாடுகள் போர்க்கால அடிப்படையில் தீவிரமாக நடைபெற்று வருகின்றன.

 

​கிழக்கு தொகுதி மக்களுக்கு நன்றி அறிவிப்பு விழா:

​நடந்து முடிந்த சட்டமன்றத் தேர்தலில் தமிழக முதல்வர் விஜய் அவர்கள், பெரம்பூர் மற்றும் திருச்சி கிழக்கு ஆகிய இரு தொகுதிகளிலும் போட்டியிட்டு அமோக வெற்றி பெற்றார். பின்னர் சட்டவிதிமுறைகளின்படி திருச்சி கிழக்கு தொகுதி சட்டமன்ற உறுப்பினர் பதவியை அவர் ராஜினாமா செய்தார்.

​இந்நிலையில், தமக்கு பெரும் ஆதரவளித்து வெற்றிபெறச் செய்த திருச்சி கிழக்கு தொகுதி மக்களுக்கு நேரில் நன்றி தெரிவிப்பதற்காக நாளை மாலை 4:00 மணியளவில் முதல்வர் விஜய் திருச்சிக்கு வருகை தருகிறார்.

 

​ஜோசப் கல்லூரி மைதானத்தில் பிரம்மாண்ட ஏற்பாடுகள்:

​திருச்சி சத்திரம் பேருந்து நிலையம் அருகே உள்ள வரலாற்றுச் சிறப்புமிக்க தூய ஜோசப் கல்லூரி மைதானத்தில் இந்த பிரம்மாண்ட நன்றி அறிவிப்பு விழா நடைபெற உள்ளது.

 

​பிரம்மாண்ட பந்தல்: விழாவிற்காக மைதானத்தில் பிரம்மாண்ட பந்தல் மற்றும் மேடை அமைக்கும் பணிகள் இறுதி கட்டத்தை எட்டியுள்ளன.

​ஆயிரக்கணக்கான இருக்கைகள்: பொதுமக்கள் மற்றும் கட்சித் தொண்டர்கள் வசதியாக அமர்ந்துHeader நிகழ்வைக் காணும் வகையில் 10,000-க்கும் மேற்பட்ட இருக்கைகள் போடப்பட்டு வருகின்றன.

 

​மின்விளக்கு வசதிகள்: விழா மாலை 6:00 மணிக்கு மேல் நீடிக்க வாய்ப்புள்ளதால், மைதானம் முழுவதும் அதிநவீன மின்விளக்குகள் (Focus Lights) அமைக்கும் பணிகள் இரவு பகலாக நடந்து வருகின்றன.

​காவல் ஆணையர் நேரில் ஆய்வு:

​முதலமைச்சரின் வருகையை முன்னிட்டு பலத்த போலீஸ் பாதுகாப்பு ஏற்பாடுகள் செய்யப்பட்டுள்ளன. பாதுகாப்பு ஏற்பாடுகள் குறித்து திருச்சி மாநகர காவல் ஆணையர் காமினி ஐபிஎஸ் அவர்கள் இன்று விழா நடைபெறும் ஜோசப் கல்லூரி மைதானத்திற்கு நேரில் சென்று ஆய்வு நடத்தினார்.

​மேடை அமைப்பீடு, பொதுமக்கள் வந்து செல்லும் பாதைகள் மற்றும் வாகன நிறுத்தங்கள் குறித்து ஆய்வு செய்த அவர், பாதுகாப்பு பணியில் ஈடுபடவுள்ள காவலர்களுக்கு உரிய ஆலோசனைகளையும், உத்தரவுகளையும் வழங்கினார்.

 

​முதல்வரின் இந்த அதிரடி வருகையால் திருச்சி மாவட்ட தமிழக வெற்றி கழக நிர்வாகிகள் மற்றும் தொண்டர்கள் பெரும் உற்சாகத்தில் ஆழ்ந்துள்ளனர்.

 

​#Trichy #CMVijay #TamilNaduCM #VijayInTrichy #TVK #TrichyEast #TamilNaduPolitics #VijayThankYouMeet #TrichyNews #WebNews