லால்குடியில் மக்கள் கடலில் மிதந்து வந்து வேட்புமனு தாக்கல் செய்த அதிமுக வேட்பாளர்! – பாஜக கொடிகள் இல்லாததால் கூட்டணியில் சலசலப்பா?

லால்குடியில் மக்கள் கடலில் மிதந்து வந்து வேட்புமனு தாக்கல் செய்த அதிமுக வேட்பாளர்! – பாஜக கொடிகள் இல்லாததால் கூட்டணியில் சலசலப்பா?

​லால்குடி | ஏப்ரல் 06, 2026

​திருச்சி மாவட்டம் லால்குடி சட்டமன்றத் தொகுதியில் தேர்தல் களம் சூடுபிடிக்கத் தொடங்கியுள்ளது. அதிமுக பொதுச்செயலாளர் எடப்பாடி கே. பழனிசாமி அவர்களின் ஆசியுடன், அதிமுக வேட்பாளராகப் போட்டியிடும் லீமா ரோஸ் மார்ட்டின் இன்று பிரம்மாண்டமான மக்கள் கூட்டத்திற்கு இடையே தனது வேட்புமனுவைத் தாக்கல் செய்தார்.

​மக்கள் வெள்ளத்தில் மிதந்து வந்த வேட்பாளர்!

​லால்குடி தொகுதிக்குட்பட்ட அனைத்துக் கிராமங்களிலிருந்தும் ஆயிரக்கணக்கான பொதுமக்கள் மற்றும் தொண்டர்கள் சாரை சாரையாகத் திரண்டு வந்தனர். மக்கள் கூட்டம் கட்டுக்கடங்காமல் இருந்ததால், குறித்த சுப நேரத்திற்குள் வேட்புமனு தாக்கல் செய்ய வேண்டும் என்பதற்காக, வேட்பாளர் லீமா ரோஸ் மார்ட்டின் மக்கள் கூட்டத்தைக் கடந்து ஓடோடிச் சென்று தேர்தல் நடத்தும் அலுவலரிடம் தனது மனுவைச் சமர்ப்பித்தார்.
தமிழகமே திரும்பிப் பார்க்கும் வகையில் இந்த வேட்புமனு தாக்கல் நிகழ்வு அமைந்திருந்தது.

​காணாமல் போன பாஜக கொடிகள் – அதிருப்தியில் தொண்டர்கள்?

​அதிமுக தலைமையிலான தேசிய கூட்டணியில் பாஜக உள்ளிட்ட பல்வேறு கட்சிகள் இணைந்து தேர்தலைச் சந்திக்கின்றன.
இன்றைய நிகழ்வில் கூட்டணிக் கட்சிகளின் நிர்வாகிகள் மற்றும் தொண்டர்கள் திரளாகக் கலந்துகொண்ட போதிலும், பாரதிய ஜனதா கட்சியின் கொடிகளோ அல்லது முக்கிய நிர்வாகிகளோ தென்படாதது பெரும் விவாதத்தை ஏற்படுத்தியுள்ளது. அங்கொன்றும் இங்கொன்றுமாக இருந்தது அதுவும் நிர்வாகிகளே,தொண்டர்களே ஆர்வமாக எடுத்து வந்ததாம், லால்குடி சட்டமன்ற பொறுப்பாளர்கள் மூன்று பேர் கொடி எடுத்துச் செல்வது பற்றி அறிவுறுத்தவில்லை என்றும் அதற்கான ஏற்பாடுகள் செய்யவில்லை என்றும் கூறுகிறார்கள்.

​இது குறித்து களப்பணியில் விசாரித்தபோது சில அதிர்ச்சிகரமான தகவல்கள் வெளியாகின:

​நிர்வாகிகள் மீது புகார்:

லால்குடி தொகுதிக்கென பாஜக சார்பில் சட்டமன்ற பொறுப்பாளர்கள் மூன்று பேர் நியமிக்கப்பட்ட முக்கிய நபர்களின் செயல்பாடுகள் திருப்திகரமாக இல்லை என அக்கட்சியினரே குற்றம் சாட்டுகின்றனர்.

​திட்டமிடல் குறைபாடு:

கூட்டணியை ஒருங்கிணைக்க வேண்டிய இந்த மூன்று நபர்களின் மெத்தனப் போக்கால், வேட்புமனு தாக்கல் போன்ற முக்கிய நிகழ்வில் பாஜகவின் பங்களிப்பு இல்லாமல் போனது தொண்டர்களிடையே அதிருப்தியை ஏற்படுத்தியுள்ளது.

​உடனடி நடவடிக்கை தேவை:
லால்குடி சட்டமன்ற பொறுப்பாளர்கள் மூன்று பேர் கொண்ட
இந்த நிர்வாகிகளின் செயல்பாடுகளால் கட்சிக்கு அவப்பெயர் ஏற்படுவதாகவும்,
பாஜக தலைமை உடனடியாகத் தலையிட்டு இதனைச் சரிசெய்யாவிட்டால் தேர்தலில் பின்னடைவைச் சந்திக்க நேரிடும் எனவும் புறநகர் பாஜக நிர்வாகிகள் குமுறுகின்றனர்.

​வெற்றியை நோக்கி அதிமுக!

​பாஜக நிர்வாகிகளிடையே நிலவும் குளறுபடிகள் ஒருபுறம் இருந்தாலும், பொதுமக்களிடையே லீமா ரோஸ் மார்ட்டினுக்குக் கிடைத்துள்ள அமோக வரவேற்பு அதிமுக முகாமினை உற்சாகத்தில் ஆழ்த்தியுள்ளது. லால்குடியே ஸ்தம்பிக்கும் வகையில் நடைபெற்ற இந்த ஊர்வலம், தொகுதியின் வெற்றி வாய்ப்பை இப்போதே உறுதி செய்துவிட்டதாக அதிமுகவினர் நம்பிக்கை தெரிவிக்கின்றனர்.

​#LalgudiElection2026 #ADMK #LeemaRoseMartin #TrichyPolitics #ADMK_BJP_Alliance #TNAssemblyElection #ElectionNews #LalgudiUpdate