- Advertisement -
விளாத்திகுளம் மாணவி கொலை வழக்கு 98 CCTV கேமராக்கள், DNA சோதனை – சிக்கிய சீரியல் கில்லர்!
தூத்துக்குடி மாவட்டம் விளாத்திகுளம் அருகே பிளஸ்-2 மாணவி பாலியல் வன்கொடுமை செய்யப்பட்டு படுகொலை செய்யப்பட்ட வழக்கில், தேடப்பட்டு வந்த முக்கிய குற்றவாளியை தனிப்படை போலீசார் அதிரடியாகக் கைது செய்துள்ளனர்.
நடந்தது என்ன?
கடந்த சில தினங்களுக்கு முன்பு பள்ளி மாணவி மர்மமான முறையில் உயிரிழந்து கிடந்தார். பிரேதப் பரிசோதனையில் அவர் பாலியல் வன்கொடுமை செய்யப்பட்டு, கழுத்தை நெரித்துக் கொலை செய்யப்பட்டது உறுதி செய்யப்பட்டது.
இச்சம்பவம் தமிழகம் முழுவதும் பெரும் அதிர்வலைகளை ஏற்படுத்தியது.
துப்பு துலக்கிய தொழில்நுட்பம்
இந்த வழக்கில் குற்றவாளியைப் பிடிக்க 5 தனிப்படைகள் அமைக்கப்பட்டன.
போலீசார் மேற்கொண்ட தீவிர விசாரணையில் பின்வரும் ஆதாரங்கள் முக்கியப் பங்காற்றின.
CCTV கண்காணிப்பு:
விளாத்திகுளம் முதல் சாயல்குடி வரை உள்ள சுமார் 98 சிசிடிவி காட்சிகளை போலீசார் ஆய்வு செய்தனர்.
தடயவியல் ஆதாரம்:
உயிரிழந்த மாணவியின் நகங்களுக்கு இடையில் இருந்த சதைப்பகுதியைச் சேகரித்த போலீசார், அதை டிஎன்ஏ (DNA) பரிசோதனைக்கு உட்படுத்தினர்.
மோட்டார் சைக்கிள்:
சம்பவ இடத்திற்கு அருகே கைவிடப்பட்ட நிலையில் இருந்த ஒரு திருட்டு மோட்டார் சைக்கிளும் போலீசாருக்கு வலுவான சந்தேகத்தை ஏற்படுத்தியது.
கைது செய்யப்பட்ட கொடூரன்
விசாரணையின் முடிவில், ராமநாதபுரம் மாவட்டம் சாயல்குடியைச் சேர்ந்த தர்ம முனீஸ்வரன் (எ) மாவீரன் (38) என்பவரைப் போலீசார் கைது செய்தனர்.
விசாரணையில் வெளிவந்த திடுக்கிடும் தகவல்கள்:
இவர் மீது ஏற்கனவே 30-க்கும் மேற்பட்ட குற்ற வழக்குகள் உள்ளன.
கடந்த 2020-ஆம் ஆண்டு மூதாட்டி ஒருவரைக் பாலியல் கொலை செய்த வழக்கில் ஆயுள் தண்டனை பெற்றவன் .
கடந்த டிசம்பர் 2025-இல் தான் ஜாமீனில் வெளியே வந்து இந்த கொடூரச் செயலைச் செய்துள்ளான் .
அதிகாரிகள் மீது நடவடிக்கை
இந்த வழக்கில் ஆரம்பத்தில் புகார் அளிக்க வந்த மாணவியின் பெற்றோரை அலைக்கழித்ததாகக் கூறி, விளாத்திகுளம் அனைத்து மகளிர் காவல் நிலைய ஆய்வாளர் மற்றும் குளத்தூர் உதவி ஆய்வாளர் ஆகியோர் மீது நடவடிக்கை எடுக்கப்பட்டது
எச்சரிக்கை:
பாதிக்கப்பட்ட சிறுமியின் அடையாளம், புகைப்படம் அல்லது வீடியோக்களை எக்காரணம் கொண்டும் சமூக வலைதளங்களில் பகிர வேண்டாம் என்று சைபர் க்ரைம் போலீசார் பொதுமக்களைக் கேட்டுக்கொண்டுள்ளனர்.
- Advertisement -
Comments are closed.