தமிழக கிரிக்கெட் அணி தோல்வி-ரஞ்சி கோப்பை.

ரஞ்சி கோப்பை கிரிக்​கெட் தொடரில் ‘ஏ’ பிரி​வில் இடம் பெற்​றுள்ள தமிழ்​நாடு – ஆந்​திரா அணி​கள் இடையி​லான ஆட்​டம் விசாகப்​பட்​டினத்​தில் நடை​பெற்று வந்​தது.

இதன் முதல் இன்​னிங்​ஸில் தமிழக அணி 182 ரன்​களும், ஆந்​திரா 177 ரன்​களும் எடுத்​தன. 5 ரன்​கள் முன்​னிலை​யுடன் 2-வது இன்​னிங்ஸை விளை​யாடிய தமிழக அணி 2-வது நாள் ஆட்​டத்​தின் முடி​வில் 29 ஓவர்​களில் 3 விக்​கெட்​கள் இழப்​புக்கு 102 ரன்​கள் எடுத்​தது.

நேற்று 3-வது நாள் ஆட்​டத்தை தொடர்ந்து விளை​யாடிய தமிழக அணி 70.3 ஓவர்​களில் 195 ரன்​களுக்கு ஆட்​ட​ம் இழந்​தது. பிரதோஷ் ரஞ்​ஜன் பால் -29, கேப்​டன் சாய் கிஷோர்-16, பாபா இந்​திரஜித் -6, ஆந்த்ரே சித்​தார்த் -33, சோனு யாதவ் -28, வித்​யூத் -2, திரிலோக் நாக் -3 ரன்​களில் ஆட்​ட​ம் இழந்​தனர். ஆந்​திர அணி சார்​பில் சவுரப் குமார்-4, திரிபூர்ண விஜய் -2, பிரித்வி ராஜ் -2 விக்​கெட்​கள் வீழ்த்​தினர்.

201 ரன்​கள் இலக்​குடன் பேட் செய்த ஆந்​திர அணி 41.2 ஓவர்​களில் 6 விக்​கெட்​களை மட்​டும் இழந்து வெற்றி பெற்​றது. அபிஷேக் ரெட்டி -75 பந்​துகளில், 11 பவுண்​டரி​களு​டன் 70 ரன்​களும் கரண் ஷிண்டே -64 பந்​துகளில், 8 பவுண்​டரி​களு​டன் 51 ரன்​களும் விளாசினர். அஸ்​வின் ஹெப்​பார்-21, கலி​திண்டி ராஜு -20 ரன்​கள் சேர்த்​தனர்.

4 விக்​கெட்​கள் வித்​தி​யாசத்​தில் வெற்றி பெற்ற ஆந்​திர அணிக்கு முழு​மை​யாக 6 புள்​ளி​கள் கிடைத்​தன. தமிழக அணிக்கு நடப்பு தொடரில் இது 2-வது தோல்​வி​யாக அமைந்​தது. 2 ஆட்​டங்​களை டிரா செய்திருந்தது.இது​வரை 4 ஆட்​டங்​களில் விளை​யாடி உள்ள தமிழக அணி ஒரு வெற்​றியை கூட பதிவு செய்​ய​வில்​லை.

- Advertisement -