திருச்சியில் கிரடாய் ‘பேர்புரோ-2026’ வீட்டுமனை கண்காட்சி தொடக்கம்: அமைச்சர் ரமேஷ் திறந்து வைத்தார்!

By Cholan News On Oct 2, 2026

- Advertisement -

திருச்சி:

திருச்சியில் ரியல் எஸ்டேட் அமைப்பான ‘கிரடாய்’ (CREDAI) சார்பில் அடுக்குமாடி குடியிருப்புகள் மற்றும் வீட்டுமனைகளுக்கான ‘பேர்புரோ-2026’ (FairPro-2026) பிரம்மாண்ட விற்பனை கண்காட்சி திருச்சி கலையரங்கத்தில் இன்று தொடங்கியது. இக்கண்காட்சி இன்று முதல் தொடர்ந்து மூன்று நாட்கள் நடைபெறுகிறது.

இக்கண்காட்சியை அமைச்சர் ரமேஷ் ரிப்பன் வெட்டி முறைப்படி தொடங்கி வைத்தார். தொடர்ந்து, மணப்பாறை சட்டமன்ற உறுப்பினர் கதிரவன் குத்துவிளக்கேற்றினார்.

முன்னணி நிறுவனங்களின் 48 அரங்குகள்

இக்கண்காட்சியில் 32 கட்டுமான நிறுவனங்கள், உள் அலங்கார நிறுவனங்கள் (Interior Designers), கட்டுமானப் பொருட்கள் விற்பனையாளர்கள் மற்றும் பாரத ஸ்டேட் வங்கி (SBI), இந்தியன் வங்கி, பஞ்சாப் நேஷனல் வங்கி, எச்டிஎப்சி (HDFC) உள்ளிட்ட முன்னணி வங்கிகள் என மொத்தம் 48 அரங்குகள் (Stalls) அமைக்கப்பட்டுள்ளன.

வீடு மற்றும் மனை வாங்க விரும்புவோருக்கு ஒரே இடத்தில் எளிதாக வீட்டுக் கடன் மற்றும் நிதி ஆலோசனைகள் வழங்க ஏற்பாடுகள் செய்யப்பட்டுள்ளன.

ரூ.30 லட்சம் முதல் ரூ.6 கோடி வரை தேர்வுகள்

நடுத்தர குடும்பங்கள் முதல் சொகுசு வீடுகளை விரும்புவோர் வரை கவரும் வகையில், ரூ.30 லட்சம் முதல் ரூ.6 கோடி வரையிலான தனி வீடுகள், அடுக்குமாடி குடியிருப்புகள் மற்றும் அங்கீகரிக்கப்பட்ட வீட்டுமனைகள் காட்சிப்படுத்தப்பட்டுள்ளன. மேலும், வாடிக்கையாளர்களை கவரும் விதமாக கட்டுமான நிறுவனங்கள் மற்றும் அலங்கார நிறுவனங்கள் சிறப்பு தள்ளுபடி சலுகைகளையும் அறிவித்துள்ளன.

முக்கிய பிரமுகர்கள் பங்கேற்பு

தொடக்க விழாவில் திருச்சி கிரடாய் அமைப்பின் சேர்மன் மனோகரன், தலைவர் நசுருதீன், செயலாளர் முகமது இப்ராஹிம், பொருளாளர் கார்த்திக், பேர்புரோ சேர்மன் இளமுருகன், செயலாளர் அலாவுதீன், தமிழ்நாடு கிரடாய் துணை தலைவர் கோபிநாதன் ஆகியோர் முன்னிலை வகித்தனர்.

மேலும் எஸ்பிஐ சென்னை சர்க்கிள் பொது மேலாளர் சஞ்சீவ் குமார், துணைப் பொது மேலாளர் சந்தீப் குமார் நாயக், பஞ்சாப் நேஷனல் வங்கி அதிகாரி ராஜ்குமார், எச்டிஎப்சி பால முரளி கிருஷ்ணன், மொராயஸ் சிட்டி நிர்வாக இயக்குநர் லெரொன் மொராய்ஸ், ஆலோசகர் ரவி, இணைச் செயலாளர் முருகானந்தம் உள்ளிட்ட பலர் கலந்து கொண்டனர்.

#Trichy #CREDAI #FairPro2026 #TrichyPropertyExpo #RealEstateNews #PropertyFair #TamilNaduNews #HomeLoans #FlatForSaleTrichy