எளியோருக்குக் கரம் கொடுத்த தேவர் பேரவை, திருச்சியில் கோலாகல நலத்திட்ட விழா!
பசும்பொன் முத்துராமலிங்கத் தேவரின் புகழுக்கும் தியாகத்திற்கும் பெருமை சேர்க்கும் வகையில், ஆண்டுதோறும் பல்வேறு அமைப்புகள் மக்கள் நலப்பணிகளில் ஈடுபட்டு வருகின்றன. அந்த வகையில், நடப்பாண்டு தேவர் ஜெயந்தி விழாவை அர்த்தமுள்ள மக்கள் சேவையாக மாற்றிக் காட்டியுள்ளது திருச்சியில் இயங்கும் அனைத்திந்திய தேவர் பேரவை.
திருச்சி தில்லை நகரில் அமைந்துள்ள கார்த்திக் வைத்தியசாலாவில், ஏழை எளிய மக்களுக்கான நலத்திட்ட உதவிகள் வழங்கும் சிறப்பு விழா மிக விமரிசையாக நடைபெற்றது. விழாவிற்கு அனைத்திந்திய தேவர் பேரவையின் தலைவர் டாக்டர் கே.எஸ். சுப்பையா பாண்டியன் தலைமை தாங்கி, நிகழ்வைத் தொடங்கி வைத்தார். மாநகராட்சியின் முன்னாள் சுகாதாரக் குழு தலைவர் டாக்டர் தமிழரசி சுப்பையா தனது வரவேற்புரையில், நலிந்தோருக்கு உதவும் சமூகக் கடமையை எடுத்துரைத்தார். தமிழக வெற்றிக் கழகத்தின் முக்கிய நிர்வாகியான டாக்டர் விஜய் கார்த்திக் முன்னிலை வகித்து நிகழ்வை ஒருங்கிணைத்தார்.
விழாவின் உச்சகட்டமாக, தமிழ்நாடு நகர்ப்புற வாழ்விட மேம்பாட்டு வாரியத்தின் தலைவர் கு.ப. கிருஷ்ணன் சிறப்பு அழைப்பாளராகக் கலந்து கொண்டார். அவர் இப்பகுதியில் வசிக்கும் 200-க்கும் மேற்பட்ட ஏழை, எளிய தாய்மார்களுக்கும் பொதுமக்களுக்கும் புத்தாடைகள் (வேட்டி, சேலை) மற்றும் அறுசுவை உணவு உள்ளிட்ட நலத்திட்டப் பொருட்களைத் தன் திருக்கரங்களால் வழங்கிச் சிறப்பித்தார்.
- Advertisement -
அப்போது பேசிய அவர், “பசும்பொன் தேவர் திருமகனாரின் வழியில், இல்லாதோருக்குக் கொடுத்து உதவும் இத்தகைய பொதுநலத் தொண்டுகள் தொடர்ந்து முன்னெடுக்கப்பட வேண்டும்” என்று பேரவை நிர்வாகிகளுக்குப் பாராட்டுகளைத் தெரிவித்தார்.
நிகழ்ச்சியில் தமிழக வெற்றிக் கழகத்தின் நிர்வாகிகள் பூபதி, ஷாஜகான், சிவா, வினோத், திருநாவுக்கரசு, டாக்டர் ரபி, சுப்பிரமணியன், முத்துராமலிங்கம், மீனாட்சிசுந்தரம், மூர்த்தி, கதிரவன், காளிதாசன், பேச்சி முத்து உள்ளிட்ட கழகப் பொறுப்பாளர்களும், சமூக ஆர்வலர்களும் பெருந்திரளாகக் கலந்துகொண்டு விழாவைச் சிறப்பித்தனர். விழாவின் இறுதியில் அனைவருக்கும் அன்னதானம் வழங்கப்பட்டது.
படக்குறிப்பு:
திருச்சியில் நடைபெற்ற தேவர் ஜெயந்தி நலத்திட்ட விழாவில் பயனாளிகளுக்கு உதவிகளை வழங்குகிறார் தமிழ்நாடு நகர்ப்புற வாழ்விட மேம்பாட்டு வாரிய தலைவர் கு.ப. கிருஷ்ணன். உடன்: அனைத்திந்திய தேவர் பேரவை தலைவர் டாக்டர் கே.எஸ். சுப்பையா பாண்டியன், டாக்டர்கள் தமிழரசி சுப்பையா, விஜய் கார்த்திக் உள்ளிட்டோர்.
#திருச்சி #தேவர்ஜெயந்தி #அனைத்திந்தியதேவர்பேரவை #குபகிருஷ்ணன் #சமூகசேவை #நலத்திட்டஉதவிகள் #மாதஇதழ் #பத்திரிகைசெய்தி #TrichySpecial #ThevarJayanthi #SocialWelfare #MagazineReport #TamilNaduNews
- Advertisement -
Comments are closed.