திருச்சி தீயணைப்புத் துறையில் NOC பெற லஞ்சப் புகார்கள், ஆன்லைனில் விண்ணப்பித்தாலும் அலையவிடும் அதிகாரிகளுக்கு எதிராக நடவடிக்கை எடுக்க சமூக ஆர்வலர்கள் கோரிக்கை!

- Advertisement -

திருச்சி தீயணைப்புத் துறையில் NOC பெற லஞ்சப் புகார்கள், ஆன்லைனில் விண்ணப்பித்தாலும் அலையவிடும் அதிகாரிகளுக்கு எதிராக நடவடிக்கை எடுக்க சமூக ஆர்வலர்கள் கோரிக்கை!

​திருச்சிராப்பள்ளி:

திருச்சி மாநகர் பகுதியில் இயங்கி வரும் தீயணைப்பு நிலையத்தில் உள்ள உயர் அதிகாரி ஒருவர் தடையில்லா சான்றிதழ் (NOC) வழங்குவதற்கு அதிக அளவில் லஞ்சம் பெறுவதாகக் குற்றச்சாட்டுகள் எழுந்துள்ளன.

​அரசு அலுவலகங்களுக்கு நேரடியாகச் சென்று சான்றிதழ் பெறும் நடைமுறையில் லஞ்சம் அதிகளவில் புழங்கி வந்ததைத் தடுக்கும் நோக்கில், பொதுமக்கள் சிரமமின்றிச் சான்றிதழ்களைப் பெற அரசு ஆன்லைன் வசதிகளை முழுமையாக ஏற்படுத்தி வருகிறது. இருப்பினும், ஆன்லைன் வாயிலாக விண்ணப்பித்தாலும் கூட அதிகாரிகள் உரிய நேரத்தில் சான்றிதழ் வழங்காமல் மக்களைத் தொடர்ந்து அலையவிட்டு மன உளைச்சலுக்கு ஆளாக்குவதாகப் புகார்கள் எழுந்துள்ளன.

​எனவே, தேவையான அனைத்து ஆவணங்களையும் சமர்ப்பித்து ஆன்லைனில் விண்ணப்பிக்கும் பொதுமக்களுக்கு 2 நாட்கள் முதல் ஒரு வாரத்திற்குள் அல்லது சான்றிதழின் தன்மைக்கேற்பக் குறிப்பிட்ட காலக்கெடுவுக்குள் தடையில்லா சான்றிதழ் வழங்க அரசு அதிகாரிகளுக்குக் கடுமையான உத்தரவு பிறப்பிக்க வேண்டும் என்றும், இந்த முறைகேடுகள் குறித்து லஞ்ச ஒழிப்புத்துறை அதிகாரிகள் உடனடியாகத் தலையிட்டுத் தீயணைப்புத் துறை அதிகாரி மீது உரிய விசாரணை நடத்தி நடவடிக்கை எடுக்க வேண்டும் என்றும் சமூக ஆர்வலர்கள் பலரும் சமூக வலைதளங்களில் தீவிரமாகக் கோரிக்கை விடுத்து வருகின்றனர்.

​#TrichyNews #FireService #TrichyFireDepartment #NOC #BriberyAllegation #DVAC #TamilNaduGovernment #PublicGrievance #OnlineServices #AntiCorruption

- Advertisement -