திருச்சி கேர் பொறியியல் கல்லூரியின் 16 வது ஆண்டு விழா – சி.எஸ் மொபைலிடி சொல்யூசன்ஸ் இயக்குனர் பங்கேற்பு!

திருச்சி திண்டுக்கல் சாலையில் அமைந்துள்ள கேர் பொறியியல் கல்லூரியின் 16 வது ஆண்டு விழா கல்லூரி வளாகத்தில் இன்று நடைபெற்றது. இதில் Cee Yes மொபிலிட்டி சொல்யூஷன்ஸ் பிரைவேட் லிமிடெட் இயக்குனர் அனந்தகிருஷ்ணன் சிறப்பு விருந்தினராக கலந்து கொண்டு சிறப்புரையாற்றினார். அவரது உரையில் “இந்த ஆண்டு விழாவில் விருதுகள் மற்றும் கைத்தட்டல்களை மட்டும் பார்க்காமல், எதிர்கால பாதையையும் பார்க்க வேண்டும். தொழில்நுட்ப ரீதியாக மட்டுமல்ல, நெறிமுறை ரீதியாகவும், ஒழுக்கமான சரியான நேரத்தில் விடாமுயற்சியுடன் தங்கள் அணுகுமுறையில் புத்திசாலித்தனமாகவும் இருக்கும் பொறியாளர்கள் உலகிற்கு தேவை. இயந்திரங்களை மட்டுமல்ல சிறந்த சமூகத்தையும் கட்டி எழுப்ப அந்த நிபுணர்களாக இருக்க நாம் பாடுபடுவோம். நாம் எவ்வளவு தூரம் வந்துள்ளோம், நமது மதிப்புகளுக்கு உண்மையாக இருந்தால் எவ்வளவு தூரம் செல்ல முடியும் என்பதற்கான நினைவூட்டலாக இந்த ஆண்டு விழா இருக்கட்டும் என்று கூறினார்.

- Advertisement -

தொடர்ந்து கல்வி சாதனைகள், விளையாட்டு சாதனைகள், சிறந்த வெளிச்செல்லும் மாணவர்கள், சிறந்த ஆசிரியர் மற்றும் சிறந்த துறைக்கான பரிசுகளை வழங்கி பாராட்டினார். முன்னதாக கல்லூரியின் முதல்வர் டாக்டர் சாந்தி 2024-25 ஆண்டு அறிக்கை வாசித்தார். மேலும் இந்நிகழ்வில் கல்லூரியின் மாணவர்கள், பெற்றோர்கள், பேராசிரியர்கள் உட்பட பலர் கலந்து கொண்டனர்.

- Advertisement -