- Advertisement -

திருச்சி, ஜூன் 25, 2026: சாக்சீடு (SAXIDE) நிறுவனத்தின் சார்பில், உலக போதை எதிர்ப்பு தினத்தை முன்னிட்டு விழிப்புணர்வு விழா இன்று மிகச் சிறப்பாக நடைபெற்றது.

​இந்நிகழ்ச்சிக்கு மாவட்ட குழந்தைகள் பாதுகாப்பு அலுவலர் திரு. சரவணன் அவர்கள் தலைமை தாங்கினார். நிறுவனத்தின் ஒருங்கிணைப்பாளர் திரு. டயஸ் அவர்கள் வரவேற்புரை நிகழ்த்தினார்.

​விழாவின் சிறப்பு விருந்தினராக திருச்சி வடக்கு ஸ்ரீரங்கம் காவல் உதவி ஆணையர் உயர்திரு. சீதாராமன் அவர்கள் கலந்துகொண்டு, போதைப்பொருள் பயன்பாட்டிற்கு எதிரான உறுதிமொழியை வாசிக்க, அனைவரும் அதனைத் தொடர்ந்து ஏற்றுக்கொண்டனர். பின்னர், போதைப்பொருள் ஒழிப்பின் அவசியம் மற்றும் சமூகத்தில் அதன் தாக்கம் குறித்து அவர் சிறப்புரையாற்றினார்.

​இந்நிகழ்ச்சியில் புனித சிலுவை தன்னாட்சி கல்லூரியின் புணர்வாழ்வியல் துறை பேராசிரியர் முனைவர் அருட். சகோதரி லூர்துமேரி அவர்கள் முன்னிலை வகித்தார். கோட்டை காவல் ஆய்வாளர் திரு. ஜெய்சன் பிரேம் ஆனந்த் அவர்கள் சிறப்பு விருந்தினராகக் கலந்துகொண்டு சிறப்பித்தார்.

​விருதுகள் மற்றும் கலை நிகழ்ச்சிகள்:

நிகழ்ச்சியில், நீண்ட காலமாக போதைப்பழக்கத்திலிருந்து விடுபட்டு, தற்போது நலமுடன் வாழும் பயனாளிகளுக்குப் பாராட்டி விருதுகள் வழங்கி கௌரவிக்கப்பட்டனர். மேலும், RC பள்ளி மற்றும் பொன்மலை புனித சிலுவை பெண்கள் மேல்நிலைப் பள்ளி மாணவிகளின் கலை நிகழ்ச்சிகள் பார்வையாளர்களைக் கவர்ந்தன. புனித சிலுவை கல்லூரி புணர்வாழ்வியல் துறை மாணவிகள், போதைப்பொருட்களால் ஏற்படும் தீமைகள் குறித்து விழிப்புணர்வு ஏற்படுத்தும் வகையில் நாடகம் ஒன்றை அரங்கேற்றினர்.

​சுமார் 200-க்கும் மேற்பட்ட பயனாளிகள், பள்ளி மற்றும் கல்லூரி மாணவிகள் கலந்துகொண்ட இந்த விழாவிற்கான அனைத்து ஏற்பாடுகளையும் நிறுவன இயக்குனர் அருட் சகோதரி பரிமளா சேவியர் அவர்கள் மிகச் சிறப்பாகச் செய்திருந்தார்.

​இறுதியில் திரு. ஜோசப் அவர்கள் நன்றியுரை ஆற்றினார். ஒருங்கிணைந்த மாற்று சிகிச்சை மறுவாழ்வு மைய ஆலோசகர்கள் திருமதி. ஆர்த்தி மற்றும் நல்லாங்காள் ஆகியோர் நிகழ்ச்சியைத் தொகுத்து வழங்கினர்.

​#WorldDrugDay #AntiDrugAwareness #Trichy #SAXIDE #DrugFreeSociety #போதை எதிர்ப்பு தினம் #விழிப்புணர்வு #திருச்சி #சாக்சீடு

- Advertisement -