சந்தோஷ் கோப்பை கால்பந்து போட்டியில் தமிழ்நாடு அணி வெற்றி!
அகில இந்திய கால்பந்து கூட்டமைப்பு சார்பில், தேசிய அளவில் ஆடவருக்கான ‘சந்தோஷ் கோப்பை கால்பந்து’ போட்டி, ஆந்திரா மாநிலத்தின் அனந்தபூரில் நேற்று துவங்கியது.2025-26ம் ஆண்டுக்கான சந்தோஷ் கோப்பைக்கான 79-வது தேசிய கால்பந்து சாம்பியன்ஷிப் போட்டியில் தமிழ்நாடு அணி தனது 2-வது ஆட்டத்தில் நேற்று ஆந்திராவுடன் விளையாடியது.ஆந்திரா மாநிலத்தின் அனந்தபூரில் உள்ள ஆர்டிடி மைதானத்தில் நடைபெற்ற இந்த ஆட்டத்தில் தமிழ்நாடு அணி 5-0 என்ற கோல் கணக்கில் வெற்றி பெற்றது. தமிழ்நாடு அணி தரப்பில் அலெக்சாண்டர் ரோமாரியோ ஜெசுராஜ் (45 மற்றும் 65-வது நிமிடங்கள்) 2 கோல்கள் அடித்தார். தேவதத் (21-வது நிமிடம்), நந்தகுமார் அனந்தராஜ் (35-வது நிமிடம்), சுராஜ் குமார் (82-வது நிமிடம்) ஆகியோர் தலா ஒரு கோல் அடித்தனர். தமிழ்நாடு அணிக்கு இது 2-வது வெற்றியாக அமைந்தது.தமிழ்நாடு அணி தனது முதல் ஆட்டத்தில் 6-0 என்ற கோல் கணக்கில் அந்தமான் மற்றும் நிக்கோபார் தீவுகளை வீழ்த்தியிருந்தது. தனது அடுத்த ஆட்டத்தில் தமிழ்நாடு அணி நாளை (டிசம்பர் 21) புதுச்சேரி அணியுடன் மோதுகிறது.
- Advertisement -
Comments are closed.