லால்குடி அருகே கீழ பழனி மலையில் மகா கும்பாபிஷேகம், ஆயிரக்கணக்கான பக்தர்கள் சாமி தரிசனம்!

லால்குடி அருகே கீழ பழனி மலையில் மகா கும்பாபிஷேகம், ஆயிரக்கணக்கான பக்தர்கள் சாமி தரிசனம்!

 

​திருச்சி | ஏப்ரல் 2, 2026

 

​திருச்சி மாவட்டம் லால்குடி அருகே உள்ள குமுளூர் கீழ பழனி மலையில் வீற்றுள்ள அருள்மிகு ஸ்ரீ பாலதண்டாயுதபாணி சுவாமி திருக்கோவில் அஷ்டபந்தன மகா கும்பாபிஷேக விழா இன்று மிக விமர்சையாக நடைபெற்றது.

​யாகசாலை பூஜைகள்

​இந்த விழாவை முன்னிட்டு நேற்று காலை மங்கல இசையுடன் தொடங்கி, மகா கணபதி ஹோமம், மகாலட்சுமி ஹோமம், நவக்கிரக ஹோமம் உள்ளிட்ட சிறப்பு பூஜைகள் நடைபெற்றன. மாலை 6:00 மணியளவில் விக்னேஸ்வர பூஜை, புண்யாகவாசனம், வாஸ்துசாந்தி மற்றும் முதற்கால யாக பூஜை நடைபெற்றது. தொடர்ந்து சுவாமி சிலைகளுக்கு அஷ்டபந்தன மருந்து சாற்றப்பட்டது.

​கும்பாபிஷேகம் மற்றும் தீபாராதனை

​இன்று காலை 6:00 மணிக்கு இரண்டாம் கால யாக பூஜை மற்றும் மகா பூர்ணாஹூதி நடைபெற்றது. பின்னர் யாகசாலையிலிருந்து புனித நீர் அடங்கிய கடங்கள் மங்கல இசை முழங்க ஊர்வலமாக கொண்டு வரப்பட்டன.

​காலை 9:15 மணி முதல் 10:30 மணிக்குள், அருள்மிகு ஸ்ரீ விநாயகர், ஸ்ரீ பாலதண்டாயுதபாணி சுப்பிரமணிய சுவாமி, இடும்பன், காமாட்சி அம்மன் உடனுறை கடம்பவனேஸ்வரர் ஆகிய சுவாமிகளின் ஆலய கோபுர கலசங்களுக்கு புனித நீர் ஊற்றப்பட்டு மகா கும்பாபிஷேகம் வெகு விமர்சையாக நடைபெற்றது.

​பக்தர்கள் திரள்

​இந்த விழாவில் குமுளூர், தச்சங்குறிச்சி, மகிழம்பாடி உள்ளிட்ட சுற்றுவட்டார கிராமங்களைச் சேர்ந்த 1000-க்கும் மேற்பட்ட பக்தர்கள் கலந்து கொண்டு சாமி தரிசனம் செய்தனர். கும்பாபிஷேகத்தை தொடர்ந்து சுவாமிகளுக்கு சிறப்பு அபிஷேகமும், அலங்கார தீபாராதனைகளும் நடைபெற்றன. விழாவிற்கு வந்திருந்த பக்தர்கள் அனைவருக்கும் கோவில் நிர்வாகத்தின் சார்பில் அன்னதானம் வழங்கப்பட்டது.

​

 

​#TrichyNews #Lalgudi #Kumulur #KeezhPalaniMalai #Kumbabishekam #LordMurugan #SpiritualNews #TamilnaduTemples #Munchanallur #TrichyDistrict