மக்களோடு மக்களாக மதிய உணவு, ஜல்லிக்கட்டு நாயகனுக்கு உற்சாக வரவேற்பு, திருவெறும்பூரில் ப.குமார் சூறாவளி பிரச்சாரம்!

By Cholan News On Apr 5, 2026

- Advertisement -

திருச்சி | ஏப்ரல் 05, 2026

திருவெறும்பூர் சட்டமன்றத் தொகுதி அனைத்திந்திய அண்ணா திராவிட முன்னேற்றக் கழக வேட்பாளர் ப.குமார் அவர்கள், திருவெறும்பூர் வடக்கு ஒன்றியத்திற்குட்பட்ட பல்வேறு கிராமங்களில் இன்று தீவிர வாக்கு சேகரிப்பில் ஈடுபட்டார். செல்லும் இடமெல்லாம் பொதுமக்கள் ஆரத்தி எடுத்தும், மலர் தூவியும் அவருக்கு உற்சாக வரவேற்பு அளித்தனர்.
கிராமங்கள் தோறும் எழுச்சிமிகு வரவேற்பு
வடக்கு ஒன்றியத்திற்கு உட்பட்ட கீழமுல்லக்குடி, ஒட்டக்குடி, புத்தாபுரம், காந்திபுரம், அரசங்குடி அம்பேத்கர் நகர், அரசங்குடி மந்தை, பருத்திகொல்லை தெரு, மேல விளாங்குளம் மற்றும் கீழ் விளாங்குளம் ஆகிய பகுதிகளில் வேட்பாளர் ப.குமார் இன்று சுற்றுப்பயணம் மேற்கொண்டார்.
ஒவ்வொரு பகுதியிலும் கழக நிர்வாகிகளும், பொதுமக்களும் திரண்டு வந்து அவருக்கு சால்வை அணிவித்தும், பூமாலைகள் சூட்டியும் தங்களது ஆதரவை வெளிப்படுத்தினர்.

மக்களுடன் மதிய உணவு – குறைகளை கேட்டறிந்த வேட்பாளர்
ஆடம்பரமில்லாமல் மக்களோடு மக்களாக அமர்ந்து, அவர்களுடன் இணைந்து வேட்பாளர் ப.குமார் உணவருந்தினார். அப்போது அப்பகுதி மக்கள் தங்கள் பகுதியில் நிலவும் குடிநீர் பிரச்சனை, சாலை வசதி மற்றும் அடிப்படைத் தேவைகள் குறித்து அவரிடம் கோரிக்கைகளை முன்வைத்தனர். மக்களின் குறைகளை கனிவுடன் கேட்டறிந்த அவர், தான் வெற்றி பெற்றவுடன் இப்பகுதி மக்களின் கோரிக்கைகளை முன்னுரிமை அடிப்படையில் நிறைவேற்றித் தருவேன் என உறுதி அளித்தார்.
ஜல்லிக்கட்டு காளைகளுடன் தொண்டர்கள் கொண்டாட்டம்
கடந்த அதிமுக ஆட்சியின் போது ஜல்லிக்கட்டு மீதான தடையை நீக்க எடப்பாடியார் அரசு எடுத்த முயற்சிகளையும், திருச்சி மாவட்டத்தில் ஜல்லிக்கட்டு போட்டிகள் சிறப்பாக நடைபெற ப.குமார் அவர்கள் உறுதுணையாக நின்றதையும் நினைவு கூர்ந்த தொண்டர்கள், பிரச்சாரத்தின் போது ஜல்லிக்கட்டு காளைகளை கொண்டு வந்து வேட்பாளரிடம் காண்பித்து தங்கள் மகிழ்ச்சியை வெளிப்படுத்தினர்.

வேட்பாளர் ப.குமார் உருக்கம்:
“இந்தத் தொகுதியின் ஒவ்வொரு தெருவும், அங்குள்ள பிரச்சனைகளும் எனக்கு நன்கு தெரியும். உங்களில் ஒருவனாக, உங்கள் வீட்டுப் பிள்ளையாக நான் கேட்கிறேன். இரட்டை இலைக்கு வாக்களித்து என்னை வெற்றி பெறச் செய்தால், திருவெறும்பூர் தொகுதியை முன்மாதிரி தொகுதியாக மாற்றுவதே எனது முதல் வேலை.”

கூட்டணி கட்சிகளுடன் தீவிர வாக்கு சேகரிப்பு
அதிமுக மற்றும் அதன் கூட்டணி கட்சி நிர்வாகிகள், தொண்டர்கள் புடைசூழ, வீடு வீடாகச் சென்று இரட்டை இலை சின்னத்திற்கு ப.குமார் வாக்கு சேகரித்தார். “எங்களுக்கு நல்லது செய்ய வந்த குலசாமி நீங்கள் தான்” என உருக்கமாகக் கூறி மக்கள் வழங்கிய வரவேற்பு, திருவெறும்பூர் தொகுதியில் அதிமுகவின் வெற்றியை உறுதி செய்யும் வகையில் அமைந்திருந்தது.

#Thiruverumbur #ADMK #PKumar #EPS #VoteForDoubleLeaf #TrichyPolitics #JallikattuHero #Election2026

#திருவெறும்பூர் #பகுமார் #வெற்றிவேட்பாளர்
#மக்கள்_விரும்பும்_பா_குமார் #இரட்டைஇலை
#அதிமுக