லால்குடியில் டாக்டர் லீமாரோஸ் மார்ட்டின் சூறாவளி பிரச்சாரம்: வீதிதோறும் ‘இரட்டை இலை’ கோலமிட்டு மக்கள் உற்சாக வரவேற்பு!

By Cholan News On Apr 11, 2026

- Advertisement -

லால்குடி | ஏப்ரல் 11, 2026

லால்குடி சட்டமன்றத் தொகுதியில் தேர்தல் களம் சூடுபிடித்துள்ள நிலையில், அதிமுக வேட்பாளர் டாக்டர் லீமாரோஸ் மார்ட்டின் தனது அதிரடி பிரச்சாரத்தை லால்குடி வடக்கு ஒன்றிய பகுதிகளில் மேற்கொண்டு வருகிறார். நேற்று (வெள்ளிக்கிழமை) நடைபெற்ற இந்த மக்கள் சந்திப்பு பயணத்தில், தொகுதி முழுவதும் அதிமுக அலை வீசுவதை காண முடிந்தது.

அப்பாத்துறையில் தொடங்கிய ஆதரவு அலை

காலை 8.00 மணிக்கு அப்பாத்துறையில் தனது பிரச்சாரத்தைத் தொடங்கிய வேட்பாளருக்கு, அப்பகுதி மக்கள் தாரை தப்பட்டை முழங்க உற்சாக வரவேற்பு அளித்தனர். இதனைத் தொடர்ந்து எசனக்கோரை, தண்டாங்கோரை, திருமணமேடு, பம்பரம்சுற்றி, பச்சாம்பேட்டை வழியாக மயிலிரங்கம் வரை வேட்பாளர் தீவிர வாக்கு சேகரிப்பில் ஈடுபட்டார்.

கோலமிட்டு வரவேற்ற இல்லத்தரசிகள்

வேட்பாளர் லீமாரோஸ் மார்ட்டின் வரும் வீதிகளெங்கும் பெண்கள் தங்கள் வீட்டு வாசல்களில் இரட்டை இலை சின்னத்தைப் பெரிய அளவில் வரைந்து, “வருக வருக லீமாரோஸ் மார்ட்டின்” என எழுதி மனப்பூர்வமாக வரவேற்றனர். இந்த நெகிழ்ச்சியான வரவேற்பு கட்சி தொண்டர்களிடையே பெரும் உற்சாகத்தை ஏற்படுத்தியுள்ளது.

சமூக மற்றும் கலாச்சார மரியாதை

பிரச்சாரத்தின் இடையே வேட்பாளர் மேற்கொண்ட முக்கிய நிகழ்வுகள்:

வீரர்களுக்கு மரியாதை: அப்பகுதி ஜல்லிக்கட்டு வீரர்களை நேரில் சந்தித்து அவர்களின் தேவைகளைக் கேட்டறிந்து ஆதரவு திரட்டினார்.

முத்தரையர் சிலைக்கு மரியாதை: முத்தரையர் சமுதாய மக்களின் தெய்வமான பெரும்பிடுகு முத்தரையர் சிலைக்கு மாலை அணிவித்து மரியாதை செலுத்தினார்.

மத நல்லிணக்கம்: தேவாலயங்களுக்குச் சென்று பிரார்த்தனை செய்து, கிருத்துவ சமூக மக்களிடம் வாக்கு சேகரிப்பில் ஈடுபட்டார்.

”உடனடி தீர்வு உறுதி” – வேட்பாளர் வாக்குறுதி

மாலையில் இடையற்றுமங்கலம், கூகூர், ஆனந்திமேடு மற்றும் சாத்தமங்கலம் பகுதிகளில் மக்கள் குறைகளைக் கேட்டறிந்த டாக்டர் லீமாரோஸ் மார்ட்டின் பேசுகையில்:

”மக்களின் அடிப்படைத் தேவைகளான குடிநீர், சாலை வசதி மற்றும் விவசாயிகளின் கோரிக்கைகளை நிறைவேற்றுவதே எனது முதல் பணி. நான் வெற்றி பெற்றதும் லால்குடி தொகுதி முன்மாதிரி தொகுதியாக மாற்றப்படும்,” என உறுதியளித்தார்.

இந்த பிரச்சாரப் பயணத்தில் கழக நிர்வாகிகள், கூட்டணி கட்சிப் பிரதிநிதிகள் மற்றும் உள்ளூர் தலைவர்கள் திரளாகப் பங்கேற்றனர். கூட்டத்தில் கூடியிருந்த மக்களின் ஆதரவைப் பார்க்கும்போது, லால்குடியில் அதிமுகவின் வெற்றி உறுதி என அரசியல் நோக்கர்கள் கருதுகின்றனர்.