திருச்சி சௌராஷ்ட்ரா வாலிபர் சங்கம் சார்பில் சரஸ்வதி பூஜை மற்றும் பேச்சுப் போட்டி பரிசளிப்பு விழா விமரிசை!

By Cholan News On Oct 20, 2026

திருச்சிராப்பள்ளி:

திருச்சிராப்பள்ளி சௌராஷ்ட்ரா வாலிபர் சங்கம் சார்பாக சரஸ்வதி பூஜை வழிபாடு மற்றும் காந்தி ஜெயந்தியை முன்னிட்டு நடத்தப்பட்ட பேச்சுப் போட்டிக்கான பரிசளிப்பு விழா சங்க வளாகத்தில் மிகச் சிறப்பாக நடைபெற்றது.

மாலை 7:30 மணியளவில் தொடங்கிய நிகழ்வில், சங்கத்தின் துணைச் செயலாளர் திரு. வெங்கடேசன் அவர்கள் முன்னின்று சிறப்புப் பூஜைகளை நடத்த, சரஸ்வதி பூஜை வழிபாடுகள் பக்தி சிரத்தையுடன் நடைபெற்றன.

தலைமை மற்றும் ஏற்பாடு:

பூஜையைத் தொடர்ந்து நடைபெற்ற பரிசளிப்பு விழாவிற்கு சங்கத் தலைவர் திரு. J. J. மகேஷ் தலைமை தாங்கினார். விழாவிற்கான அனைத்து ஏற்பாடுகளையும் சங்கச் செயலாளர் திரு. C. R. அம்சராம் சிறப்பாக ஒருங்கிணைத்திருந்தார்.

- Advertisement -

பரிசளித்து வாழ்த்து:

காந்தி ஜெயந்தி விழாவை முன்னிட்டு பள்ளி/கல்லூரி மாணாக்கர்களுக்கு நடத்தப்பட்ட பேச்சுப் போட்டியில் வெற்றி பெற்ற மாணவ, மாணவிகளுக்கு சங்கத்தின் கௌரவ ஆலோசகர்கள் திருவாளர்கள் K. V. வரதாச்சாரி, V. S. ரெங்கநாதன், A. J. பெருமாள், M. D. ராம்குமார் ஆகியோர் கலந்துகொண்டு பரிசுகளையும் பாராட்டுச் சான்றிதழ்களையும் வழங்கி வாழ்த்துரை வழங்கினர்.

நிர்வாகிகள் பங்கேற்பு:

இவ்விழாவில் சங்க துணைத் தலைவர்கள் S. D. முரளிதரன், S. S. வினோத், B. S. ராம்பிரசாத், துணைச் செயலாளர் K. ராமன், பொருளாளர் S. S. ஹரிஹரன், இயக்குநர்கள் V. R. தினேஷ், V. G. மணிமாறன், M. K. சீனிவாசன் உள்ளிட்ட முக்கியப் பொறுப்பாளர்களும், மாணாக்கர்களும், பெற்றோர்களும் திரளாகக் கலந்துகொண்டு விழாவைச் சிறப்பித்தனர்.

அனைவரது உற்சாகமான பங்களிப்புடன் இந்நிகழ்வு இனிதே நிறைவுற்றது.

#Trichy #Tiruchirappalli #SaraswathiPuja #GandhiJayanti #ElocutionCompetition #Saurashtra #TrichyNews #TamilNews #StudentsAchievement